Mezzoforte
Cando: 19 Novembro, 20,30h
Onde: Círculo de las Artes
É sen dúbida unha das bandas de jazz contemporáneo e funk máis poderosas do panorama musical. Formárona no 1977 en Reykjavik, Islandia, catro xoves amigos co interese común da fusión e a música funk. No 1983 soou por todo o mundo co tema “Garden Party” do seu cuarto álbum. Ata hoxe editou 12 discos e deu máis dun millar de concertos en corenta e tantos países planeta adiante.
O último traballo da banda preséntase incandescente, leva por título Volcanic e nel se concentraron esforzos desde o año 2008; tódolos músicos se trasladaron a unha cabana ó sur de Islandia para acadar un estado sereno que dese lugar ás composicións desexadas.
Miles Davis, George Duke, Weather Report, ou o grupo Earth Wind and Fire eran as influencias más destacadas daqueles rapaciños que iniciaban a súa carreira musical cando aínda non contaban vinte anos.
- Eythor Gunnarsson: teclados
- Jóhann Ásmundsson: baixo
- Gulli Briem: batería
- Oskar Gudjonsson: saxo
- Fridrik Karlsson: guitarra
- Sebastian Studnitzky: trompeta
Entrada: 10€
