Quartetto Minimo
Cando: 17 Novembro, 23,30h
Onde: Club Clavicémbalo
Dende os seus comezos, na primavera do 2009, o grupo rexeita toda interpretación de música xa existente e dedícase á creación dun repertorio propio. O seu son particular loita por abrirse camiño no que hoxe en día algúns chaman jazz e os integrantes prefiren chamar música improvisativa. É importante precisar que a súa música parte das melodías do xove baixista Eliaz Hercelin e dos desenvolvementos musicais do conxunto. A unión creativa e fraternal dos catro mozos de nacionalidades diversas deulles, dende que se coñeceron, unha esperanza de cambio musical. Coa súa maneira intuitiva de face-los temas e a espontaneidade dos directos, o Quartetto Minimo ten sorprendido en numerosas ocasións a todo tipo de públicos ó longo dos concertos que veñen realizando en España e Francia. Subterráneos ata o momento, o premio que acaban de recibir (Certame do INJUVE) é unha oportunidade para saír á luz no panorama musical actual.
- Nico Arzimanoglou: guitarra
- Sébastien Spang: guitarra
- Eliaz Hercelin: baixo
- Ilan Hercelin: batería
