• Santiago González: saxos e clarinete
• Gueorgui Organesian: saxos e clarinete
• Lois Rivera: saxos e clarinete
• Fernando González: trompeta e corneta
• Nicolau Rodríguez: trompeta e corneta
• lago Ríos: trombón
• Luis Tinaquero: banjo
• Juan Tinaquero: contrabaixo
• Rupert Twine: piano
• Santiago Roma: batería
• Miguel Ladrón de Guevara: voz
• Bea García: voz

Big band especializada nos swing, hot jazz, dixieland e blues xurdidos no decurso dos marabillosos anos 20 do século pasado en Nova Orleáns, para, dun salto, poñerse en Chicago, despois en Nova York e finalmente no resto do mundo. Entre as influencias da banda sobresaen músicos como Louis Armstrong, Fletcher Henderson, Duke Ellington, Paul Whiteman, Jelly Roll Morton, a Original Dixieland Jass Band, Sidney Bechet, Bix Beiderbecke e King Oliver. As creacións destes grandes mestres soan de novo interpretadas desde un punto de vista propio e orixinal mantendo a esencia de cada estilo e homenaxeando respectuosamente a todos cantos xenios agasallaron cun rumbo diferente a historia da música e ofreceron, deste xeito, infinitas posibilidades aos músicos posteriores á súa xeración. Los Hot Chocolates reviven aqueles ritmos tan populares mestura de charleston, fox trot, swing, etc., facendo que nos deteñamos a escoitar e imaxinemos unha viaxe de media noite con destino a unha época que foi representada en moitas ocasións no cinema.